Охрид, 3. ноември 2025 (ИНПРЕС) – Општинската изборна комисија му го додели уверението на старо – новиот градоначалник на Охрид, Кирил Пецаков, со што и официјално започна неговиот втор мандат.
Потенцира дека следува инвестиционен период, за кој верува дека ќе заврши успешно.
– Направивме доста проекти што значат за Охрид стратешки го менуваат. Така продлжуваме си во вториот мандат. Имаме 10 нови капитални проекти кои што со завршување на 4 од првите 10 што сум ги ветил во првиот мандат, вклучувајќи ги и овие 10, ќе станува збор за сериозна промена на сето она како ние го перцепираме Охрид, првично за охриѓани, а и за сите оние кои доаѓаат и уживаат во убавините на градот.
Пред нас следува инвестиционен период што верувам дека ќе заврши успешно, односно за многу работи за кои охриѓани разговарале, побарувале и било некако како насушна потреба во изминатите над 30 години ќе се оставрат, ќе се завршат и сметам дека Охрид не само што ќе изгледа поинаку, туку ќе има и многу подобри услови за живот на сите кои се тука, но и на туристите кои го посетуваат, истакна Пецаков.
На локалните избори 2025 што се одржаа на 19-ти октомври, Пецаков освои 16.565 гласови, доволни за победа уште во првиот круг. Пецаков, како кандидат на ВМРО-ДПМНЕ и Коалицијата освои 63,91% од гласовите, пред д-р Асен Шајн од СДСМ и Коалицијата со освоени 6.151 (23,73%), Гоце Цветковски со 830 (3,20%) и Стевче Стевоски од Твоја партија со освоени 450 (1,74%) гласови. (Крај)
извор: ИнПрес фото/видео: ИнПрес
