Охрид, 19. ноември 2025 (ИНПРЕС) – Во петок нова културна содржина во рамки на проектот на Општина Охрид, Културата расте со децата „За сите деца“.

Ќе биде изведена детската театарска претстава „Црвенкапа“, работена според оргиналната приказна на Браќата Грим кој претставува култно дело во светската детска литертура. Низ претставата се додадени елементи кои се се врзани со правата и обврските на децата.

– Целосната приказна „Црвенкапа“ е целосно адаптирана во театарска претстава и ги задржува оргиналните делови и секако оргиналните ликови: Црвенкапа, бабата, волкот и ловџијата. Низ многу убави театарски моменти, познати за децата, оргинални костими, сценографија и музика, педагошки, интерактивни и комични моменти ќе се приреди една оргинална театарска хит претстава каде децата ќе ја слушнат и до нив ќе допре и јасно ќе биде упатена пораката на Црвенкапа, а таа гласи: Јас ги исполнувам своите обврски и само така ќе биде исполнето секое мое право. Само така можам секому да кажам ‘здраво’, информираат организаторие.

Почетокот на претставата е во 19:00 часот во Трговскиот центар Ohrid Mall. (Крај)

извор: ИнПрес фото: архива