Охрид, 25. ноември 2025 (ИНПРЕС) – Отворен зелен телефон на кој граѓаните ќе може да пријавуваат сите проблеми и недоследности во собирањето на селектираниот отпад, информираат од ЈП „Охридски комуналец“.
На истиот ќе може да се постават прашања поврзани со воспоставувањето на системот за примарна селекција на отпад во Охрид.
– Засега селекцијата е започната на улиците „Железничка”, „Прилепска”, „Винковачка”, „Будва“, „Крали Марко” и „8-ми март”, кадешто пред неколку месеци беа поделени жолти и сини канти. За следните населби кои ќе бидат вклучени во процесот на примарна селекција ќе бидете благовремено известени, велат од претпријатието.
Со Хорека проектот селекција на отпад до крајот на годината ќе започнат и девет хотели и 11 училишта. (Крај)
извор: ИнПрес фото: архива
