Охрид, 22. декември 2025 (ИНПРЕС) – Братислав Ташковски е добитник на наградата „Григор Прличев“ за најдобра поема за 2025 година, за своето дело „Темна кутија“.

Братислав Ташковски – поет, романсиер, драмски писател и новинар, e роден на 11 септември 1960 година, во Скопје. Автор е на бројни книги поезија, драми и романи, како и на сценариото за документарниот филм „Кој го кодошеше Ристо Шишков?“. Со делови од неговото поетскио творештво е преведен на руски, шведски, турски, црногорски, романски и русински јазик.

Добитник е на наградите и признанијата „Студентски збор“, „Млад борец“, „Браќа Миладиновци“, „Рациново признание“, „Ацо Шопов“, „Антево перо“, „Државната награда за најдобра книга од областа на публицистиката“ (Мито Хаџивасилев – Јасмин) и на „ Државната награда  „23 Октомври“, признание

„Поетска ноќ во Велестово“, признание „Битолски книжевен круг“.  Од 1999 до 2002 година бил претседател на Управниот одбор на поетската манифестација Струшки вечери на поезијата. Застапуван е во многу антологиски избори од македонската поезија. Покренувач е и главен уредник на списанието за книжевност и култура АКТ.

Наградата „Григор Прличев“ за најдобра поема ќе се додели на главната манифестација Прличеви Беседи на 5-ти февруари 2026 година. (Крај)

извор: ИнПрес фото: архива