Охрид, 23. март 2026 (ИНПРЕС) – Водостојот на Охридското Езеро продолжува да се намалува, но и понатаму е над просекот за овој период од годината.
Според денешните мерења, нивото е на кота од 693,66 м.н.в што е за 17 сантиметри над просечното ниво за овој месец (693,49 м.н.в) и 56 сантиметри над минимално дозволената кота (693,10 м.н.в). Температурата на езерската вода е 7 степени.
На почетокот на месецов, за разлика од лани, водостојот на Охридското Езеро беше многу блиску до максималната граница 693,75 м.н.в, по што во континуитет се бележи намалување.
Во Охрид денес променливо облачно време со услови за слаб локален дожд попладне. Ќе дува умерен ветер од северен правец. Максималната температура ќе се искачи до 10 степени.
– Во следните два дена ќе преовладува стабилно време. Во четврток ќе дува засилен до силен ветер од јужен правец (над 60 km/h), а од крајот на денот под влијание на влажен бран на повеќе места се очекуваат врнежи од дожд. Во петок локално врнежите ќе бидат пообилни, а дневната температура ќе биде во опаѓање, информираат од Управата за хидрометеоролошки работи на Република Македонија (УХМР). (Крај)
извор: ИнПрес фото: ИнПрес
