Охрид, 6. мај 2026 (ИНПРЕС) – Младиот охридски музичар Ѓоко Чеменкоски утревечер во црквата „Св.Софија“ ќе го одржи завршниот матурски концерт – соло пеење.
Тој е ученик во Државното музичко училиште (ДМУ) „Тодор Скаловски – Тетоец“ од Струга.
Гости на концертот ќе бидат Стефан Чеменкоски на кларинет, градскиот мешан хор „Vox Lychnidos“, Едона Далипи и Антонија Михајлоска – соло пеење, а на клавир ќе го придружува Владимир Србиноски.
Концертот е со почеток во 19:00 часот, а влезот е слободен.
Чеменкоски деновиве во интервју за InPress и Супер радио зборуваше за неговата љубов кон музиката, првата авторска песна „Оди мила“, за членувањето во градскиот хор „Vox Lychnidos“, како и за идните планови.(Крај)
извор: ИнПрес фото: архива
