Атина, 2. септември 2015 (ИНПРЕС) – Товарниот брод со непријавено оружје, кој вчера беше запленет во близина на Крит ѝ припаѓа на грчка компанија, јави електронското издание на „Катимерини“.
Сопственикот и операторот со бродот „Хадад 1“ се регистрирани на иста адреса во Пиреја. Фирмата го поседувала бродот од февруари 2015 година.
Постапувајќи по разузнавачки информации, грчката крајбрежна стража, придружувана од воени специјални сили, вчера го пресретна бродот и по извршената инспекција, на него пронајде контејнер со оружје.
Бродот денеска е закотвен на пристаништето Ираклион на Крит. Бродот „Хадад 1“, кој пловел под боливиско знаме, имал седум члена екипаж составен од Сиријци, Египќани и Индијци. (Крај)
извор: Катимерини фото: архива