In Memoriam: Почина композиторот Љупчо Константинов, роден во Охрид, напиша музика за бројни познати филмови

Скопје/Охрид, 17. октомври 2024 (ОХРИДПРЕС) – На 78-годишна возраст почина македонскиот композитор и автор на филмска музика Љупчо Константинов.

Роден е во Охрид, а дипломирал на музичката академија во Белград. Композирал музика во играни, документарни и анимирани филмови, во голем број на телевизиски филмови, серии и драми, како и во над 60-тина театарски претстави. Беше препознатлив по неговата музика „Среќна нова 49“, „Македонска сага“, „Црвениот коњ“, „Тетовирање“, „Јужна патека“, „Хај-фај“ и други.

Добитник е на повеќе награди и признанија, меѓу кои: „Златна арена“ на Филмскиот фестивал во Пула за музиката во филмот „Среќна нова ’49“; три „Златни ловорови венци“ на МЕС, Сараево; за театарските претстави: „Електра“, „Шехерезада“ и „Фауст“; награда на критиката на Вториот меѓународен фестивал во Град Мексико за најдобра музика за претставата „Шехерезада“; на тетарските игри „Војдан Чернодрински“, награда за музиката во театарската претстава „Старите фотографии“ и др. (Крај)

извор: novatv.mk фото: Тв Телма