Охрид, 16. мај 2025 (ИНПРЕС) – Теквондисти од Македонската традиционална таеквондо федерација (МТТФ) ќе учествуваат на Меѓународниот таеквондо ИТФ натпревар Гран При Зворник 2025“ во Босна и Херцеговина, еден од најпрестижните натпревари во регионов за пролетната натпреварувачка сезона.
МТТФ овојпат ќе ја претставуваат повеќе дебитанти кои ќе имаат можност да се докажат.
– Поради матурите и екскурзиите нашите најдобри поединци од оправдани причини нема да учествуваат, па затоа сега одиме со повеќе дебитанти кои се надеваме дека ќе дадат сѐ од себе и ќе не израдуваат со добри резултати, поради добрата мотивираност од страна на Владимир Димитириевиќ (осовјувач на медал од последното Европско првенство). За нашето учество на овој престижен натпревар се заблагодаруваме на генералниот спонзор ПН Метал, Општина Охрид и Министерство за спорт, вели Марјанчо Лазаревски, претседател на Македонската традиционална таеквондо федерација.
На натпреварот ќе учествуваат Теодор Ѓорески, Криситјан Гагалески, Дамјан Секулоски и Максим Шулески. (Крај)
извор: ИнПрес фото: архива
