Охрид, 27. мај 2026 (ИНПРЕС) – Една од најголемите македонски рок групи Ареа на 31. јули ќе го одржи својот голем летен концерт во живо, под отворено небо, на Античкиот театар во Охрид, а во рамки на концертната програма на годинешниот S.O.S. Festival 2026.
Ружица, Ивица и екипата од бендот уште еднаш ќе ги отворат своите „Врати на имагинација“ за нивната многубројна публика и ќе ги изведат најпознатите хитови од својот богат музички опус како: „Сите мои слики“, „Пријател“, „Одведи ме“, „Биди мој“… но и сите останати парчиња од нивниот „ѓердан на музички скапоцености“ нанижан во повеќе од успешната тридецениска кариера.
Софистицираната, а сепак жестока концертна свирка, во која доминираат моќниот и убедлив, специфичен вокал на Ружица и прецизните гитарски делници на Ивица, поддржани од цврстата ритам-секција, хармонската подлога на клавијатурите и дискретниот придружен вокал на Елена, настапот на Ареа го прават концертен перформанс со загарантирано уживање.
Особено кога нивнот концерт се одвива во уникатен културно-историски амбиент под ѕвездено небо каков што нуди Античкиот театар во Охрид, тогаш доживувањето е единствено. (Крај)
извор: ИнПрес фото: архива
