Скопје/Цирих, 13. декември 2024 (ИНПРЕС) – Фудбалската репрезентација на Македонија ги доби ривалите за квалификациите за Светското првенство 2026, кое ќе се одржи во САД, Канада и Мексико од 11 јуни до 19 јули 2026 година. Нашата репрезентација беше во третиот шешир, а за противници ги доби селекциите на Белгија, Велс, Казахстан и Лихтенштајн во групата Ј.
На ждрепката во Цирих присуствува селекторот Благоја Милевски и актуелниот претседател на ФФМ, Муамед Сејдини.
Само победниците од секоја група ќе се пласираат директно на Светското првенство. Второпласираните 12 репрезентации, заедно со четирите најдобри од Лигата на нациите, ќе играат баражи за преостанатите места.
Македонија, во квалификациите за СП 2022, успеа да заврши како второпласирана во групата зад Германија, што ѝ овозможи да игра бараж. Ја совладавме Италија, но во финалниот бараж бевме поразени од Португалија. (Крај)
извор: Макфудбал.мк фото: архива
