Охрид, 22. мај 2026 (ИНПРЕС) – Охридскиот гимназијалец Мартин Мацкоски за улогата на Козимо во претставата „Перфектни странци“ ја доби наградата за најдобра машка епизодна улога на 63. Драмски аматерски фестивал (ДАФ) што се одржа во Кочани.
– Оваа награда е успех на целиот тим – на сите млади актери-ученици кои во претставата се внесоа со срце, душа и огромна љубов кон театарот. Токму таа искреност ја претвори сцената во емоција што се памети, велат од гимназијата.
Претставата се подготвуваше под режија и менторство на професорката по драмска уметност и македонски јазик и литература, Ирена Бачиќ, но оваа радост денес им припаѓа на сите – на секој ученик што ја остави својата емоција на сцената, на секој поглед полн трема, љубов и храброст. Токму затоа овој успех има посебна тежина – затоа што е создаден со срце. (Крај)
извор: ИнПрес фото: архива
