Пропадна вториот обид за избор на претседател на Грција

Атина, 23. декември 2014 (ИНПРЕС) – Грчките пратеници по втор пат не успеаја да изберат претседател на земјата.

Кандидатот на владата, еврокомесарот за животна средина Ставрос Димас освои само 32 од потребните 200 гласа. На 29-ти декември ќе се одржи третиот и последен круг од претседателските избори.

– Потребното мнозинство не беше собрано, па затоа гласањето ќе се одржи по трет пат, рече претседателот на парламентот Евангелос Меимаракис.

Според него, ако и во третиот обид не биде избран претседател, во Грција ќе мора да се одржат предвремени парламентарни избори.

Премиерот Андонис Самарас кон крајот на минатата недела предложи да се одржат предвремени парламентарни избори на крајот на 2015 година, доколку биде избран претседател. Според него, до тогаш ќе завршат најтешките преговори со ЕУ и ММФ. (Крај)

извор: АФП фото: архива