Охрид, 23. септември 2025 (ИНПРЕС) – Во месец јули во Охрид биле издадени 6 одобренија за градење, објавија од Државниот завод за статистика на Република Македонија.
Од нив две се на физичко лице и четири на деловен субјект. Предвидена е градба на 28 станови, најмногу трособни, со вкупна корисна површина од 1.774 м². Во анализираниот период во општините Струга и Дебрца нема издадени одобренија.
На ниво на Република Македонија, во јули 2025 година издадени се 401 одобренија за градење. Од вкупниот број на издадени одобренија, 228 се наменети за објекти од високоградба, 46 за објекти од нискоградба и 127 за објекти за реконструкција. Од вкупно 401 објекти, на 232 како инвеститори се јавуваат физички лица, а на 169 инвеститори се деловни субјекти.
Во извештајниот период е предвидена изградба на 667 станови, со вкупна корисна површина од 60.676 м². (Крај)
извор: ИнПрес фото: ИнПрес
