Охрид, 2. мај 2025 (ИНПРЕС) – Учениците од гимназијата „Св. Климент Охридски” и годинава ја продолжуваат традицијата и организираат голем хуманитарен музичко-сценски настан насловен „Тркало на времето“.
Настанот е тематски, а е посветен на настраданите во големата трагедија што се случи во Кочани.
– Гимназијалците ќе ви се претстават со музичко-сценски настап кој сигурно ќе ги плени вашите срца. Како и секоја година настанот е тематски, а годинава ќе слушнете прекрасна музика од 60-те години па наваму. Истиот е посветен на настаните од Кочани. Бидите и вие дел од најголемиот средношколски настан во нашата држава, порачуваат гимназијалците.
Настанот ќе се одржи на 9-ти мај во дворот на охридската гимназија со почеток во 20:00 часот. Билетите ќе бидат пуштени во продажба од понеделник, 5-ти мај. (Крај)
извор: ИнПрес фото: ИнПрес
