Охрид, 4. ноември 2025 (ИНПРЕС) – Два сребрени и еден бронзен медал освоија младите натпреварувачи од Македонската традиционална таеквон-до федерација на Меѓународниот таеквон-до ИТФ натпревар, за деца до 14 години „Плевен Опен 2025“.

Боите на федерацијата ги бранеа пет натпреварувачи, еден од клубот „ХВА РАНГ ИТФ” Лескоец и четворица од „Сонкал” Мислешево, а беа предводени од претседателот Марјанчо Лазаревски.

Се натпреваруваа само во една дисциплина во спаринг/борби, а и покрај силната конкуренција, постигнаа одличен успех.

– Огромно задоволство ми е кога ќе видам како нашите млади натпреварувачи стануваат  борци и уште од мали нозе даваат сѐ од себе за да освојат медал од  вакви квалитетни  натпревари, пред сѐ покажувајќи храброст и пожртвуваност  од мали нозе, достојно претставувајќ и ги боите на Македонија. Исто така ме радува што имаме млади генерации кои ветуваат светла иднина за нашиот спорт и кои се пример за нивните генерации како треба достојно да се претставува нашата државата. Огромна благодарност до генералниот спонзор ПН Метал, Општината Охрид и Министерството за Спорт што го подржуваат нашиот спорт и нѐ потикнуваат за нови успеси, потенцира Лазаревски.

Осовјувачи на медали се:

– Христијан Шибакоски
сребрен медал спаринг/борби – 40 кг , кадети 12 – 13 години, член на Таеквон-до клуб „ХВА РАНГ ИТФ” Лескоец-Охрид

– Кристијан Гагалески
сребрен медал спаринг/борби – 30 кг , кадети 10 -11 години, член на Таеквон-до клуб „Сонкал” Мислешево-Струга

– Теодор Ѓорески
бронзен медал спаринг/борби – 40 кг , кадети 10 – 11 години, член на Таеквон-до клуб „Сонкал” Мислешево-Струга. (Крај)

извор: ИнПрес фото: МТТФ