Струга, 24. декември 2025 (ИНПРЕС) – Стружанецот Ердал Лушо пристигна во Палмеира на Зелено Р’тските острови, откако мораше да го промени курсот поради протекување на крмата во рамки на главниот дел од легендарната трка „Светски предизвик на Атлантикот“.
Утврдил дека е свиткана оската на трим-таблата, па „Пиксел“ го управуваше рачно преку ден. Сега во Палмеира ќе се сервисира пловилото.
Вкупно 8 натпреварувачи кои ги поминаа елиминациите, меѓу кои и Лушо, пловат сами 40 дена во обид да го преминат Атлантикот, од Португалија до Карибите. Стружанецот Ердал Лушо ја финишира првата етапа на SAC-25, од Португалија до Канарските острови на третото место, со време од седум дена и 39 минути.
Напредокот можете да го следите ОВДЕ.
Супер радио и InPress ќе го следат неговиот подвиг, а на Ердал му посакуваме многу среќа и мирно море со толку ветер колку што е потребно за неговиот „Пиксел“ сигурно и брзо да стигне до Карибите. (Крај)
извор: ИнПрес фото: архива
