Охрид, 17. април 2025 (ИНПРЕС) – Министерството за образование и наука започна реконструкција на кабинетите и работилниците за практична настава и обука во ОЕМУЦ „Св. Наум Охридски“ во Охрид.

– Заедно со локалната самоуправа ќе обезбедиме современи услови за образование на децата кои одлучиле или ќе одлучат во иднина токму во ова училиште да стекнуваат знаења и вештини, напиша на Фејсбук министерката за образование и наука (МОН) Весна Јаневска.

Во моментов МОН има 30-на активни инфраструктурни инвестиции во повеќе општини во државата, во вредност од околу 32 милиони евра. Се градат 7 нови училишни објекти и 4 спортски сали, 20-на училишта се реконструираат, а етапно се обновуваат и државните студентски домови. (Крај)

извор: ИнПрес фото: архива