Охрид, 26. јуни 2025 (ИНПРЕС) – Над 200 сорти вино на околу 25 винарии, рибни специјалитети и македонска музика ќе понуди четвртото издание на Оhrid Wine Festival што започнува вечерва.
И годинава ќе понуди вистинско уживање на брегот на Охридското Езеро, со дегустација на најдобрите македонски вина, богата музичка програма и весела атмосфера.
Вечерва, на отварањето на фестивалот на сцената ќе настапат DJ Gec, Backdoor band, Тамара и Brass brothers. Утревечер сцената е резервирана за „Куку Леле“, Дац и Александар, „Пауза за ракија“, DJ Nasti и Urban planet, а пак во сабота за забавата ќе бидат задолжени „Ареа“ и Влатко Лозановски, „Kамелеон“ и DJ Jana.
Ohrid Wine Fest ќе се одржува на кеј „Македонија“, пред поранешниот хотел „Палас“, а програмата започнува од 20:00 часот. (Крај)
извор: ИнПрес фото: архива
