Струга, 25. јули 2025 (ИНПРЕС) – Примариус д-р. Оливер Бојчески, специјалист по спортска медицина и специјалист по медицина на трудот ја објави својата шеста книга од областа на спортската медицина „Искуства – приказ на случаеви од спортски повреди“.

Низ праксата и искуствата, се објаснати триесетина специфични спортски повреди во поглед на нивниот механизам на настанување, клинички симптоми и знаци, дијагностика, третман и рехабилитација како и мерки на превенција, вели за Супер радио и InPress прим. д-р Бојчески.

– Запишаните работи остануваат многу подолго во меморијата од запамтените.Така е во оваа книга, напишана на 90 страни, релативно брза и лесна за читање за стручни лица, но и за обичен читател кој се соочил со повреда. Нека се множат вакви изданија каде искуството преку пишаниот збор несебично се пренесува на новите стручни генерации, додаде прим. д-р Бојчески.

Тој е автор и коавтор на пет книги со наслов „Спортски повреди“, „Кардиологијата и спортот“, како и претходните наслови на книгите за правилна спортска исхрана и уште над 30 научно-стручни трудови. (Крај)

извор: ИнПрес фото: архива