Охрид, 8. јули 2025 (ИНПРЕС) – Министерот за надворешни работи и надворешна трговија на Република Македонија, Тимчо Муцунски денес во Охрид беше домаќин на неговиот албански колега Игли Хасани.

Во фокусот на разговорите биле одличните билатерални односи, унапредувањето на добрососедските односи и продлабочувањето на соработката меѓу двете земји во сите области од заемен интерес, со акцент на прашања од економската сфера – трговската размена, инвестициските можности и инфраструктурните проекти кои ги поврзуваат земјите долж Коридорот 8.

– На средбата стана збор и за процесот на интеграција во ЕУ, партнерството во рамки на НАТО Алијансата и соработката на мултилатерален план, вели Муцунски.

Двајцата министри присуствуваа и на отворањето на Генералниот конзулат на Албанија во Струга, што претставува значаен чекор во насока на продлабочување на конзуларната, но и политичко-економската соработка меѓу двете земји. (Крај)

извор: ИнПрес фото: архива