Охрид, 9. јули 2025 (ИНПРЕС) – Деновиве ОСУ „Св. Климент Охридски“ беше домаќин на дел од активностите на Летната школа за архитектура 2025 со студенти и тутори од Словенија.
Активностите се одржуваа на повеќе локации низ Охрид, а започнаа со организирана групна посета на Гимназијата во присуство на професорот по историја Михаил Патчев, кој ги запозна гостите со историјата и актуелната состојба на училиштето, а директорката Светлана Велкоска со идните планови за реобнова на објектот. Во просториите на училиштето беше одржано јавно предавање од словенечките тутори, отворено за ученици, наставници и гости.
Последниот ден, се одржа финалната презентација на проектите во рамки на летната школа – изложба поставена низ дворот на Гимназијата, како дел од едукативна тура низ неколку образовни објекти во градот. (Крај)
извор: ИнПрес фото: архива
