Охрид, 12. јуни 2025 (ИНПРЕС) – Во текот на месец април Охрид го посетиле вкупно 27.920 туристи, од кои 7.984 биле домашни, а 19.936 се странски.
Според официјалните податоци на Државниот завод за статистика, бројот на ноќевањата изнесува 48.592. Во однос на структурата на странските туристи најмногубројни биле Турците 4.558, следуваат гостите од Германија 2.825, Србија 2.101 и Франција 1.745.
На ниво на Република Македонија во април ја посетиле вкупно 96.943 туристи, од кои 20.705 биле домашни, а 76.238 странски. Биле остварени вкупно 171.886 ноќевања.
Во периодот јануари-април 2025 година, во однос на истиот период од претходната година, вкупниот број на туристите е зголемен за 13.4 %, кај домашните туристи има намалување за 4.2 %, а кај странските има зголемување за 21.6 %. Во периодот јануари-април 2025 година, во однос на истиот период од претходната година, вкупниот број на ноќевањата е зголемен за 10.5 % така што кај домашните туристи има намалување за 4.7 %, а кај странските има зголемување за 19.8 %. (Крај)
извор: ИнПрес фото: ИнПрес
