Охрид, 11. ноември 2025 (ИНПРЕС) – Во текот на месец септември Охрид го посетиле вкупно 42.305 туристи, од кои 12.919 биле домашни, а 29.386 се странски.

Според официјалните податоци на Државниот завод за статистика, вкупниот број на ноќевањата изнесува 90.285. Во однос на структурата на странските туристи најмногубројни биле Турците 6.940, следуваат гостите од Србија 3.141, од Германија 2.580, од Полска 1.790, Холандија 1.508…

На ниво на Република Македонија во септември ја посетиле вкупно 132.999 туристи, од кои 32.753 биле домашни, а 100.246 странски. Биле остварени вкупно 262.686 ноќевања.

Во периодот јануари – септември 2025 година, во однос на истиот период од претходната година, вкупниот број на туристите е зголемен за 5.8 %, кај домашните туристи има намалување за 1.4 %, а кај странските има зголемување за 9.6 %. Во периодот јануари – септември 2025 година, во однос на истиот период од претходната година, вкупниот број на ноќевањата е зголемен за 0.9 % така што кај домашните туристи има намалување за 3.8 %, а кај странските има зголемување за 7 %. (Крај)

извор: ИнПрес фото: ИнПрес