Скопје, 1. април 2025 (ИНПРЕС) – Од вкупно 193 пациенти повредени во пожарот во Кочани, во болниците во странство и кај нас се лекуваат уште 100 пациенти, соопшти министерот за здравство Арбен Таравари.

Тројца пациенти се во критична состојба, а денес од Полска и Белгија се враќаат двајца пациенти.

– Во Македонија се лекуваат 20 пациенти.На Клинички центар пет, во Стара градска седум, пет во ГОБ „8 Септември“ и тројца во приватните болници. Надвор од државата се лекуваат 80 пациенти и денеска се враќаат уште двајца пациенти. Имаме најава за враќање на повеќемина пациенти до крајот на неделата, тоа се полесните случаи, информира Таравари.

Тој потенцира дека катастрофалниот настан во Кочани ги погодил сите, не само како институции туку и како луѓе. (Крај)

извор: ИнПрес фото: архива