Охрид, 28. јули 2025 (ИНПРЕС) – Утре истекува рокот за доставување на трудовите по конкурсот за најдобар расказ, распишан од Општина Охрид, а по повод традиционалната културна манифестација „Вечер на Живко Чинго“.

Право на учество на конкурсот со свој расказ има секој полнолетен граѓанин на Република Македонија. Трудовите треба да се достават во печатена форма во три примероци под шифра, без лични податоци за авторот, на адреса: Општина Охрид, улица „Димитар Влахов“ бр. 57 со назнака: За конкурсот за расказ. Авторското право се докажува со четвртиот примерок.

Жири-комисијата ќе ги објави резултатите од Конкурсот во дневниот печат најдоцна до 5-ти август 2025 година.

Наградата за најдобар расказ е една и изнесува 30.000 денари, а истата ќе биде врачена на културната манифестација „Вечер на Живко Чинго“, која во негова чест традиционално, секоја година се одржува во неговото родно село Велгошти. Доставените трудови не се враќаат. (Крај)

извор: ИнПрес фото: архива