Охрид, 22. јуни 2023 (ИНПРЕС) – В сабота во спортската сала „Билјанини извори“ќе се одржи третиот Меѓународен таеквондо ИТФ натпревар „Охрид Опен 2023“, во организација на клубот „ХВА РАНГ ИТФ“ од Лескоец.

На натпреварот учество имаат пријавено 24 клубови и околу 200 учесници од Македонија, Чешка, Хрватска, Србија, Босна и Херцеговина и Албанија.

– Од 09:00 часот во сабота почнува натпреварот тул и спаринг. Свеченото отворање на турнирот ќе биде во 15:30 часот од страна на директорот на Агенцијата за млади и спорт Наумче Мојсоски, а предвидени се обраќања на градоначалникот Кирил Пецаков или претставник од општина, како и претставници од генералните спонзори. Натпреварот го организираме според сите највисоки светски ИТФ стандарди, дата база, електронско судење. Благодарност до „ПН Метал“, Агенцијата за млади и спорт и Општина Охрид, вели претседателот на Македонската Таеквондо федерација, Марјанчо Лазаревски.

Влезот на натпреварот за сите љубители ќе биде бесплатен, за да имаат можност да уживаат во убавините на овој атрактивен спорт. (Крај)

извор: ИнПрес фото: архива