Охрид, 11. април 2024 (ИНПРЕС) – Проектот за реконструкција на улицата „7-ми ноември“ влегува во завршна фаза.

Во следниов период ќе се врши гребење на асфалтот на коловозот, поставување нов и обележување на сообраќајната сигнализација.

Градежните активности за реконструкција на улицата се одвиваат од почетокот на месец септември минатата година. Проектот опфаќа изградба на нова атмосферска канализација, нови тротоарски површини и велосипедски ленти, како и спуштање на водовите на кабелските и другите оператори. Во изминатиот период се реализира и хортикултурно уредување на улицата.

Вредноста на проектот е 39 милиони денари. Инвестицијата е обезбедена од општинскиот буџет, а изведувач на градежните зафати е АД „Илинден“ Струга. (Крај)

извор: ИнПрес фото: ИнПрес