Скопје, 7. октомври 2024 (ОХРИДПРЕС) – За студентите од техничките факултети (ФИНКИ; ФЕИТ, Машински факултет, Градежен факултет), во тек е пријавувањето за часовите за поддршка на Институтот HCN.
Студентите можат да се пријавуваат по следните предмети:
• Математика 1
• Математика 2
• Математика 3
• Основи на електротехника
• Основи на електрични кола
• Структурно програмирање
• Објектно програмирање
Наставата ќе се одвива во мали групи, со менторство од академски професори, како поддршка на редовната предметна програма на вашите факултети. Искористете ги предностите на тимската работа и интегрираното знаење.
– Посветени сме на подобрување на знаењата и вештините на студентите и професионалците, потребни за напредување во светот кој брзо се развива. Со специјализираните курсеви предводени од нашите професори/едукатори, го премостуваме јазот помеѓу теоретското учење и неговата примена во реалниот свет. Поттикнуваме критичко размислување, иновативност и експертиза во техничките области и ги подготвуваме студентите со самодоверба да ја обликуваат сопствената иднина. Без разлика на едукативниот концепт, дали преку Masterclass, интензивни работилници или тековно менторство, Институтот HCN е ваш партнер во доживотното учење и професионалниот развој, потенцираат од Институтот HCN.
Повеќе на нивната веб страна, профилите на социјалните мрежи или преку контакт на телефонот 071/300-500. (Крај)
извор: ОхридПрес фото: архива
