Охрид, 3. февруари 2025 (ИНПРЕС) – Со бројни активности, ООУ „Григор Прличев“ од Охрид во четврток ќе го одбележи својот патронен празник.

Програмата по повод патрониот празник е на тема „Споменот на љубовта – светлина што го грее срцето и го води духот“, а ќе се претстават учениците под менторство на нивните наставници и ќе прикажат дел од она што ја одбележа изминатата година во оваа образовна установа.

Во четврток, 6-ти февруари, од 09:00 часот ќе бидат доделени наградите по литературниот и ликовен конкурс, во 10:00 часот ќе биде положен ловоров венец на бистата на Прличев во училишниот двор, а од 10:30 часот во кабинетот по техничко образование ќе се одржи Прличева визита.

Свечената приредба ќе се одржи во Центарот за култура „Григор Прличев“ со почеток во 19:00 часот. (Крај)

извор: ИнПрес фото: архива