Охрид, 23. февруари 2023 (ИНПРЕС) – ГРК Охрид пред нов предизвик. Во третото коло од плеј-офот во Супер лигата, екипата му гостува на кавадаречки Тиквеш.
„Гладијаторите“ најавуваат максимално залагање и борбеност во битката за значајни бодови.
– Во плеј-оф нема лесни натпревари. Секој меч треба да се игра до крај, ангажирано и сконцентрирано. Нé чека добар натпревар со Тиквеш во Кавадарци, на кој треба да го дадеме нашиот максимум за да извојуваме победа, вели ракометарот Казеин Рустамов.
Натпреварот ќе се одигра в недела, 26-ти февруари, во салата „Јасмин“ од 19:00 часот.
Досега охридските ракометари имаат една победа и еден пораз. (Крај)
извор: ИнПрес фото: архива
