Охрид, 9. мај 2023 (ИНПРЕС) – Познати саатниците за натпреварите од ракометниот Куп на Македонија што од 11-ти до 13-ти мај ќе се одржуваат во Охрид.

Согласно ждрепката, Вардар ќе се обиде да го одбрани трофејот вкрстувајќи со Алкалоид, додека актуелниот лидер на првенството Еурофарм Пелистер ќе се сретне со Пролет. Во женска конкуренција ќе се сретнат ЖРК Вардар и Ѓорче Петров, а втората двојка ја сочинуваат бранителот на титулатра Металург и екипата на Куманово.

На 11-ти мај од 17:30 часот играат Еурофарм Пелистер и Пролет, а од 20:00 часот Алкалоид и Вардар.

Следниот ден во истите термини играат жените, тимовите на Металург и Куманово, односно Вардар и Ѓорче Петров.
Финалните натпревари ќе се играат в сабота, на 13-ти мај и тоа од 15:00 часот во женска, а од 18:00 часот во машка конкуренција.

Инаку од денес напладне започнува продажбата на билети за куп натпреварите. Продажба ќе се врши на две локации, на билетарата на СРЦ „Билјанини Извори“ и во охридската чаршија, а ќе може да се купат до почетокот на натперварите.

Ќе се продаваат поединечни билети за полуфиналните пресметки во машка и женска конкуренција по цена од 100 денари. За финалето во двете конкуренции, билет ќе чини 200 денари. Постои можност да се купи и блок влезница за сите шест средби и ќе чини 600 денари. (Крај)

извор: ИнПрес фото: архива