Охрид, 18. мај 2023 (ИНПРЕС) – После повеќе од два месеци, повторно може да се полага возачки испит.
Причина за паузата беше што на регионалниот испитен центар му беше истечена лиценцата, па по два конкурси веќе е одлучено кој ќе ги спроведува возачките испити.
Авто школите деновиве ги информираа кандидатите кои ја завршија обуката дека веќе може да полагаат испит.
– Авто школата „Ролекс“ со време ги извести своите кандидати, секој согласно своите обврски и планови да продолжи со испитот, вели за Супер радио и InPress Бети Ѓоргиевска, сопственик и инструктор во авто школата „Ролекс“ од Охрид.
Како што објавивме, немањето лиценца за испитен центар во Охрид изминатот период значително се одрази на работата на авто школите, додека немаше комисија за испит кандидати речиси и не се запишуваа за теоретска и практична обука. (Крај)
извор: ИнПрес фото: архива
