Охрид, 18. октомври 2023 (ИНПРЕС) – Самоиловата тврдина е најпосетуван локалитет на НУ Завод и Музеј Охрид од почетокот на годинава досега.

Според информациите од оваа национална установа, тврдината од почетокот на годинава имала рекордни 90.000 посетители, Заливот на коските оваа година има 70.000 продадени влезници, а во Музејот Куќата на Робевци имало над 9.000 посетители.

– Овие бројки се показател дека културата е ресурс кој придонесува за развој на општеството, истакна по посетата на Охрид министерката за култура Бисера Костадиновска Стојчевска.

Веќе четврта година по ред стручните екипи на охридскиот Завод и Музеј работат на проектот за конзервација и доистражување на просторот од Самоиловата тврдина/Цитадела со цел ревитализација на целиот простор заради целосна презентација. Министерката Костадиновска Стојчевска верува дека следната година тврдината ќе биде целосно подготвена за презентација, со што, како што вели, уште повеќе ќе се подигне квалитетот на културната и на туристичката промоција на Охрид. (Крај)

извор: ИнПрес фото: ИнПрес