Будимпешта, 22.јули 2015 (ИНПРЕС) – Унгарската Влада состави листа на безбедни земји на потекло и сигурни трети земји, на кои се наоѓаат земји од Западен Балкан од кои пристигнуваат најголем број илегални имиганти, се наведува во декрет што синоќа е објавен во унгарскиот службен весник „Маѓар Козлони“.

Листата на безбедни земји ги опфаќа сите членки на ЕУ и четири држави кандидати за членство во Унијата, односно Македонија, Албанија, Србија и Црна Гора.

Петтата држава кандидат за ЕУ, Турција, не се наоѓа на листата.

На листата од друга страна, се членките на Европскиот економски простор, американски сојузни држави во кои не се спроведува смртната казна, Швајцарија, БиХ, Косово, Канада, Австралија и Нов Зеланд.

Сигурни земји на потекло, според декретот, се сметаат земји во кои нема ниту војни ниту прогонство, додека сигурни трети земји се оние во кои барателите на азил веќе стигнале и можат да се пријават за статус бегалци.(Крај)

извор:Плусинфо фото:архива