Утре СИТЕ на ракомет, Охрид го пречекува Вардар

Охрид, 17. февруари 2023 (ИНПРЕС) – Утревечер вистински спектакл за љубителите на ракометот во Охрид.

Во второто коло од плеј-офот во Супер лигата, во Охрид гостува актуелниот шампион Вардар, што воедно е премиерен натпревар на домашен терен во новата полусезона. „Гладијаторите“ најавуваат беспоштедна борба на секоја педа од теренот и очекуваат полна сала.

Во тек е продажбата на карти за натпрецварот,а може да се набават во охридската чаршија, помеѓу Т.Ц.Амам и Комплекс Летница (кај Аждер) секој ден до пред почеток на натпреварот и во спортската сала „Билјанини извори“ (на билетара) секој ден од 18:00 до 20:00 часот. Цена на билетот е 100 денари.

На почетокот на месецов од навивачката група „Рибари“ најавија дека се враќаат на натпреварите на ГРК Охрид, а спектакл најавија токму за овој меч.

Натпреварот ќе се игра во салата „Билјанини извори“ со почеток во 18.30 часот.

„Гладијаторите“ на стартот од разигрувањето за титулата и местата кои водат во Европа во гости ја совладаа екипата на Еурофарм Пелистер 2. (Крај)

извор: ИнПрес фото: архива