Охрид, 11. август 2025 (ИНПРЕС) – Во среда, 13-ти август, кај Спомен обележјето на Живко Чинго, во атарот на црквата „Св. Петка“ во Велгошти ќе се одржи културната манифестација „Вечер на Живко Чинго“.
Манифестацијата со која ќе бидат одбележани 90 години од раѓањето на Чинго ќе започне во 20:00 часот.
Програмата предвидува полагање на свежо цвеќе пред спомен-обележјето на Живко Чинго, обраќање на градоначалникот на Општина Охрид, Кирил Пецаков, доделување на наградата за најдобар расказ и кратко обраќање на добитникот на наградата Дијана Петрова.
Ќе биде промовирана и книгата „Наградата Живко Чинго од востановувањето до денес“.
Беседа за Чинго ќе одржи проф.д-р Кристина Николовска, по што ќе следува културно-уметничка програма со настап на „Трио Долче“ и КУД „Филиграни“. (Крај)
извор: ИнПрес фото: архива
