Охрид, 18. декември 2025 (ИНПРЕС) – Студиото за танц „Соната“ од Охрид уште еднаш го потврди својот квалитет, континуитет и педагошка извонредност со настапот на меѓународниот танцов натпревар Christmas Dance Competition Veles 2025.
На овој меѓународен настан што обедини преку 1900 танчари од 36 танцови клубови од Македонија, Србија, Грција, Бугарија и Косово, членовите на „Соната“ освоија 5 први места.
Според распоредот и финалните категории на натпреварот, „Соната“ ги освои првите места во следните групни категории:
- Classical Ballet – Open Group Baby
- Classical Ballet – Open Group Mini Kids
- Classical Ballet – Open Group Children
- Classical Ballet – Variation Group Children
- Hip Hop – Group Junior
„Соната“ Охрид е веќе препознатливо име на домашната и регионалната танцова сцена, со редовни успеси на значајни тaнцови натпревари во Европа. Студиото е особено ценето за: силната класична балетска основа, креативениот поглед кон хип хоп културата, работата со деца и младинци, дисциплината, сценската култура и емоционалнот израз.
Настапот во Велес не беше само натпреварувачки успех, туку и уште една потврда дека „Соната“ гради танцова школа со долгорочна визија, каде процесот, едукацијата и љубовта кон танцот се еднакво важни како и резултатите. (Крај)
извор: ИнПрес фото: архива
