Охрид, 18. јули 2025 (ИНПРЕС) – Утревечер од 19:30 часот во кафе-барот „Ликвид“ ќе бидат промовирани најновите книги на авторките Тина Иванова и Енис Хилми.
Тие ќе ги претстават своите книги со раскази, „Danse Macabre“ и „Берлин, градот што не го засакав на прва“, споделувајќи со публиката дел од нивниот свет и од патот до приказните што ги создадоа.
„Danse Macabre“ е збирка од осум раскази кои, иако различни, ги поврзува иста тематика – како што сугерира и самиот наслов, алегоричен и гротескен приказ на смртта и животот.
„Берлин, градот што не го засакав на прва“ е второ дополнето издание на нејзината прва книга, за која е добитничка на дебитантската награда “Новите”, за најдобар прозен ракопис за 2024. Ова ќе биде прва промоција, во родниот град на авторката Хилми.
За книжевните остварувања ќе говорат Мерсиха Исмајлоска, Елизабета Шелева и Стефан Алијевиќ. (Крај)
извор: ИнПрес фото: архива
