Белград, 17.јули 2015 (ИНПРЕС) _ Едно лице загина, а две се повредени во пожар што избувна во петок наутро во станот на српскиот актер Љубивоје Тадиќ, во Белград, јавија српските медиуми.
Во пожарот загина М.Т. (57), додека Љубивоје Тадиќ и неговата мајка, кои живееле во станот пренесени се во Ургентниот центар. Актерот се здобил со изгореници од втор и трет степен и се наоѓа на одделението за пластична хирургија, а неговата мајка која е во потешка состојба е на интензивна нега.
„Се беше полно чад, многу се исплашивме“, вели една сосетка на актерот, која открива дека семејството Тадиќ од пред неколку години живее во тој стан.
Пожарот избил на првиот кат и се проширил во соба од 25 квадрати, каде спиела починатата, а лекарите на лице место констатирале смрт.
Сите станари биле евакуирани, а огнот брзо бил изгаснат од пожарникарите.(Крај)
извор:Макфакс фото:Макфакс
