Охрид, 3. април 2023 (ИНПРЕС) – Викендов започна да се применува летниот ценовник за наплата на паркинзите со кои стопанисува ЈП „Билјанини извори“.
Согласно одлуката на Управниот одбор на претпријатието, која беше одобрена и од градските советници, настанаа измени на летниот и зимски период на наплата. Па,така летниот период за наплата започна на 1-ви април и ќе се применува до 30-ти септември, додека зимскиот ќе трае од 1-ви октомври до 31-ви март.
Со истата одлука во текот на зимскиот период за 50% се намали цената за паркинг во премиум зоната, од 60 падна на 30 денари за еден час. Но,сега согласно летната тарифа цената ќе изнесува 100 денари, како и минатите години.
Во зоните А и Блетните цени се повисоки за 10 денари и еден час паркирање ќе чини 40, односно 30 денари. (Крај)
извор: ИнПрес фото: ИнПрес
