Охрид, 30. мај 2023 (ИНПРЕС) – Уште еден успешен настап во низа за Македонската традиционална таеквондо федерација.
Викендов учествуваа на еден од најсилните и најпрестижни натпревари за оваа пролетна сезона, Меѓународниот таеквон-до ИТФ А класа натпревар „ГРАН ПРИ Зворник 2023“ во Босна и Херцеговина, а македонската експедиција ја сочинуваа 33 натпреварувачи, двајца судии, шест тренери и три официјални лица.
Натпреварувачите беа од клубовите: Хва Ранг ИТФ од Лескоец, Сонкал од Мислешево, Чонџи од Косел, Мастер од Охрид и Ахилиус од Скопје, а освоија вкупно 39 медали, од кои 10 златни, 8 сребрени и 21 бронзен.
Претседателот на МТТФ, Марјанчо Лазаревски и овојпат не го криеше задоволството од постигнатото, а вели посебно изненадување беше од дебитантите кој имаа 8 години.
– Учествуваа околу 450 натпреварувачи, од 50 клубови од 15 земји ширум Европа, од Србија, Словенија, Грција, Бугарија, Македонија, БиХ, Хрватска, Романија, Италија, Австрија, Унгарија, Чешка, Естонија, Украина и Велика Британија. Ѓорески Теодор од таеквондо ИТФ клуб Сонкал освојувајќи бронзен медал во спаринг деца 8-10 години -30 кг, кој после две последователни победи , беше победен во полуфиналето од страна на судиите во корист на претсавникот од Украина, а истотака и Јосифоски Димитар од ХВА РАНГ ИТФ Лескоец Охрид освојувајќи сребрен медал во спаринг деца 8-10 години -25кг. Презадоволен сум од тренерите, судиите и официјланите лица кои најпрофесионално си ги извршија своите обврски. Благодарност упатувам до генералниот спонзор ПН Метал и Агенцијата за млади и спорт, вели Лазаревски.
Освоени медали по клубови
Таеквон-до ИТФ клуб СОНКАЛ Мислешево Струга
– 3 златни, 2 бронзени
Таеквон-до ИТФ клуб ЧОНЏИ Косел Охрид
– 1 сребрен, 1 бронзен
Таеквон-до клуб МАСТЕР Охрид
– 2 златни ,2 бронзени
Таеквон-до клуб АХИЛИУС Скопје
-1 златен , 1 сребрен, 2 бронзени
Таеквон-до клуб ХВА РАНГ ИТФ Лескоец Охрид
– 4 златни, 6 сребрени, 14 бронзени
Теквондистите тука не застануваат. Веќе следниов викенд заминуваат за Бугарија, на престижниот А класa натпревар „Софија опен 2023”, по што ќе се подготвуваат за организирање на Меѓународниот таеквон-до ИТФ натпревар „Охрид Опен 2023” по сите европски стандарди. (Крај)
извор: ИнПрес фото: архива
