Работилница за аспектите на активното стареење со Татјана Ристова Димова, психолог и психотерапевт од „Жан Митрев Клиник“ Охрид

Охрид, 7. октомври 2024 (ОХРИДПРЕС) – По повод Меѓународниот ден на старите лица, 1. Октомври, Црвен крст Охрид во соработка со Референтниот центар „Жан Митрев Клиник“ од Охрид, денеска организираше работилница на тема „Аспекти на активно стареење“ со предавачот Татјана Ристова Димова, психолог, психотерапевт.

– Покрај тоа што проследија предавање на наведената тема, учесниците во работилницата имаа можност за активно вклучување преку вежби и преку размена на искуства. Црвен крст Охрид секоја година се приклучува кон одбележувањето на Меѓународниот ден на старите лица со различни активности наменети за постарата популација, како и активности за јакнење на свеста кај општата популација за правата и за потребите на старите лица, информираат од Црвен крст Охрид.

Повеќе за Референтниот центар „Жан Митрев Клиник“ од Охрид, од интервјуто на OhridPress со Татјана Ристова Димова, психолог, психотерапевт. (Крај)

извор: ОхридПрес фото: архива