Охрид, 27. декември 2024 (ИНПРЕС) – Продолжуваат забавните настани во рамки на празничната програма „Охридска новогодишна приказна“.

Денеска од 12:30 часот на градскиот плоштад ќе биде изведена претставата „Каде е Дедо Мраз“. Во претставата се раскажува интересна приказна за новогодишна авантура на помошниците на Дедо Мраз. Играат: Дарко Богески, Јана Пауноска, Фаик Мефаиловски и Филип Кипровски.

Во вечерниот термин од 18:00 часот ќе биде изведена новогодишната претстава „Четирите принцези и Дедо Мраз“. Во претставата преку креативна театарска игра и веселиот кловн Кики се интерпретира новогодишна тематика за четирите годишни времиња кои ја чекаат Новата година.

„Охридска новогодишна приказна“ ќе трае до 31-ви декември. (Крај)

извор: ИнПрес фото: архива