Струга, 2. мај 2025 (ИНПРЕС) – Моштите на Свети Георгиј Победоносец и неговата чудотворна икона и годинава на 7-ми мај, на вториот ден од празникот Ѓурѓовден ќе ја благословат Струга, со што продолжува црковната манифестацијата што традиционално се одржува секоја година.
Новина оваа година е што наместо Крнинската икона на Мајката Божја, во литијата ќе биде вклучена Богородичната икона „Гликофилуса“, која неодамна пристигна во Бигорскиот манастир, вели сестра Ефимија од женскиот манастир Свети Георгиј Победоносец во Рајчица.
Традиционално чесните мошти на Свети Георгиј Победоносец ќе бидат изложени во храмот за поклонение пред да започне вечерната боголужба, сѐ до започнувањето на Еордијата. По отслужената ктиторската вечерна богослужба, литијата ќе тргне од храмот „Св. Георгиј Победоносец“ во Струга, предводена од локалното свештенство и братството и сестринството од Бигорскиот, манастирите во Рајчица и Пречиста. Најавено е присуството и на неговото блаженство архиепископот Охридски и македонски г.г. Стефан.
Моштите на светецот ќе бидат носени од четворица видни граѓани, а ќе бидат придружувани и чувани од четворица капетани од сејменската гарда на Бигорскиот манастир. (Крај)
извор: ИнПрес фото: архива
