Охрид, 28. јули 2025 (ИНПРЕС) – Успешно заврши петто издание на Меѓународниот пливачки митинг „Ohrid Open 2025“, што се одржа викендов на градскиот базен „Атина Бојаџи“, во организација на охридскиот пливачки клуб „Акваспирит“.
Учество зедоа над 220 пливачи од 25 клубови од земајва и странство, натпреварувајки се во 9 пливачки дисциплини и 5 возрасни категории. Доделени беа вкупно 246 медали и 12 пехари за најдобрите пливачи.
– Нашиот клуб настапи со 75 натпреварувачи во различни возрасни категории и покажаа неверојатна борбеност, дисциплина и спортски дух. Исклучително сме горди на најмладите учесници од нашиот клуб кои за прв пат зедоа учество на еден ваков меѓународен пливачки натпревар, велат од „Акваспирит“. (Крај)
извор: ИнПрес фото: архива
