Охрид, 21. август 2025 (ИНПРЕС) – Од денеска до недела во Охрид, по 14-ти пат ќе се одржи Интернационалниот Фер плеј куп.
Ќе се игра на спортско рекреативниот центар „Билјанини извори“, а годинава има околу 120 екипи од 7 држави.
– На СРЦ „Билјанини извори“ ќе се одржи најмасовниот спортски настан. Оваа година учество ќе земат близу 120 екипи од 7 држави во 6 возрасни категории или над 2000 учесници. Финалните натпревари се закажани за недела 24-ти август. Доделувањето на наградите е од 18:00 часот. Ги покануваме сите љубители на спортот и фудбалот да дојдат да ги следат и да уживаат во натпреварите, велат за Супер радио и OhridPress организаторите, клубот „Фер плеј“.
Денешните натпревари започнуваат од 15:30 часот. (Крај)
извор: ИнПрес фото: архива
