Охрид, 26. март 2026 (ИНПРЕС) – Годишниот традиционален хуманитарен настан на охридските гимназијалци повторно ги обединува младите таленти и хуманоста на едно место.
Во сабота, 28-ми март, во Центарот за култура „Григор Прличев“ од 20:00 часот ќе се одржи концертот „Филмовизија 3“.
– Гимназијалците ќе приредат незаборавна вечер исполнета со филмска музика, емоции и солидарност. Публиката ќе има можност да ужива во богата програма подготвена од учениците, кои преку својот талент и енергија испраќаат силна порака за заедништво и поддршка. Дојдете и поддржете ја нашата „Филмовизија“, велат од Гимназијата.
Хуманата цел на овој настан е особено важна – сите собрани средства ќе бидат донирани за помош во лекувањето на нашата сограѓанка Ева, со што секој посетител станува дел од една поголема приказна на надеж и помош
Картите во ограничен број по цена од 200 денари се веќе во продажба во Гимназијата. (Крај)
извор: ИнПрес фото: архива
