Догодина почнуваат сондажите за гас и нафта крај бугарскиот брег на Црното Море

Софија, 17.август 2015 (ИНПРЕС) – Научното сондирање на бугарското црноморско крајбрежје, каде се претпоставува дека има големи наоѓалишта на нафта и гас, ќе започне во февруари следната година. Ова го изјави премиерот на Бугарија, Бојко Борисов, пишува австрискиот весник Дер Куриер, цитиран од “Фокус”.

Проектот на конзорциумот на австрискиот нафтен и гасен производител “ОМВ”, шпанската “Рапсол” и француската група “Тотал” е во очекување на зелено светло за извршување . Договорот бил оставен на позадина од владата на социјалистите, бидејќи ќе ја намали енергетската поврзаност на Бугарија со Русија, објасни Борисов.

Приносите на гас од Црното Море се исклучително важни за австрискиот концерн ОМВ, бидејќи ќе се намали зависноста од резервите во политички ризични земји како Либија и Јемен.

Компанијата е заинтересирана и од трансфер на природен гас преку територијата на Бугарија и Романија, објавија неодамна од “Булгартрансгаз”. Двете соседни држави треба да ги поврзат мрежите за пренос кај Русе и Гиургиу.(Крај)

извор:Локално фото:архива