Охрид, 14. јули 2025 (ИНПРЕС) – Согласно Законот за заштита на населението од заразни болести (Сл. весник на РМ 66/2004, 139/2008 и 99/2009, 149/2014, 150/2015 и 37/2016), а врз основа на одлуката на Советот на Општина Охрид за спроведување на превентивна систематска дезинсекција на територијата на општина како општа противепидемиска мерка, денеска ќе се спроведе теристичка (од земја) дезинсекција против комарци.
Запрашувањето ќе се врши во периодот од 19:00 часот во понеделник до 06:00 часот во вторник.
– Со дезинсекцијата ќе биде опфатено Охридското крајбрежје, на потегот од селото Подмолје до комплексот „Св. Наум“, територијата на град Охрид, потег на реките Грашница и Коселска. Се молат пчеларите и пчеларските задруги да ги преземат соодветните мерки за заштита на пчелите. Исто така се молат и граѓаните во тој период да го намалат своето движење на посочениот опфат, информираат од Општина Охрид.
Додаваат дека во случај на појава на неповолни временски услови (ветар, дожд) дезинсекцијата се одложува за следниот поволен ден. (Крај)
извор: ИнПрес фото: архива
